ស្ថានីយ៍ទូរទស្សន៍ហង្សមាស HDTV ប្រកាសផលិតខ្សែភាពយន្តភាគខ្មែរលើកដំបូងរបស់ខ្លួន?

 

ប្រហែលមួយសប្តាហ៍មុន ក្នុងទំព័រ Face Book ផ្លូវការរបស់ស្ថានីយ៍ទូរទស្សន៍ហង្សមាស បានបង្ហោះរូបភាព មួយសន្លឹកដែលមានកំពូលតារាចម្រៀងទាំង៦របស់ផលិតកម្មនេះគឺ លោក ព្រាប សុវត្ថិ លោក ឆន សុវណ្ណរាជ លោក​ ណុប បាយ៉ារិទ្ឋិ កញ្ញា ឧក សុគន្ឋកញ្ញា កញ្ញា សុគន្ឋ និសា និងអ្នកនាង ពេជ្រ សោភា។ ភ្ជាប់ជាមួយ Caption លើរូបភាពដែលមានតារាប្រុសស្រីទាំង៦រូបនោះ ដោយសរសេរថា “ ធ្លាប់គិតទេ បើតារាចម្រៀងដែល ជា IDOL របស់លោកអ្នកមកសម្ដែងជាតួអង្គក្នុងខ្សែភាពយន្តភាគមួយ ល្អយ៉ាងណាទៅ? សូមចូលរួមផ្គូផ្គងថា តើ IDOL របស់លោកអ្នកមួយគូណា សាកសមជាងគេក្នុងការចាប់ដៃគ្នាធ្វើជាតួឯកក្នុងខ្សែភាពយន្តភាគរបស់ ស្ថានីយ៍ទូរទស្សន៍ហង្សមាស HDTV ?”  

 

វាជាដំណឹងល្អមួយសម្រាប់មហា Fan របស់ស្ថានីយ៍ទូរទស្សន៍មួយនេះ បន្ទាប់ពីស្ថានីយ៍ទូរទស្សន៍ស្ទើតែ ទាំងអស់របស់កម្ពុជាបានផលិតខ្សែភាពយន្តភាគខ្មែរសម្រាប់ចាក់ផ្សាយក្នុងម៉ោងមាស (ម៉ោងដែលមានមនុស្ស មើលច្រើន) រួចមកហើយ ដើម្បីលើកស្ទួយខ្សែភាពយន្តភាគខ្មែរស្របតា​មការប្រកាសរបស់ក្រសួងពត៌មាន នា ពេលកន្លងមក។

ពិត ឬមិនពិត មានតែរង់ចាំទស្សនាតែប៉ុណ្ណោះ!

 

 

គួរអាន ៖ ទស្សនិកជនភាគច្រើនបានរិះគន់លើស្ថានីយ៍ទូរទស្សន៍ហង្សមាស HDTV ថាមានការយឺតយ៉ាវមិន ព្រមផលិតខ្សែភាពយន្តភាគខ្មែរ បន្ទាប់ពីស្ថានីយ៍ទូរទស្សន៍កម្ពុជាទាំងអស់បានផលិត និងចាក់ផ្សាយខ្សែភាព យន្តភាគខ្មែរ ដោយស្ថានីយ៍ទូរទស្សន៍ខ្លះបានចាក់បញ្ចាំង ចប់២ ទៅ៣រឿង រួចមកហើយ៕